Náttúra

Ánastaðir á Vatnsesi eru einkum þekkti fyrir hvalrekann þar árið 1882.

Hvítserkur er einstakur klettur þar sem hann stendur í fjöruborðinu á austanverðu Vatnsnesi.

Heggstaðanes er á milli Hrútafjarðar og Miðfjarðar og um það liggur mjög skemmtileg gönguleið.

Víðdalsfjall er tignarlegt baksvið fyrir blómlega byggð Víðidals. Frábærar krefjandi gönguleiðir eru á fjallið.

Miðfjarðarvatn er í miðjum Línakradal. Vatnið er nefnt í Grettis sögu og þar er ágætis silungsveiði.

Sigríðarstaðavatn stendur við botn Húnaflóa. Þar við stendur kletturinn Hvítserkur og sjá má mikið af sel í ós vatnsins.

Vesturhópsvatn er um 7 km. langt og er ágætis veiðivatn.

Hópið er fimmta stærsta stöðuvatn landsins. Ágætis veiðivatn og yfir það liggur vinsæl reiðleið.

Kolufossar eru einstakir og aðgengilegir fossar í Víðidal. Farið er niður hjá Víðidalstungu og áfram suður að fossunum.

Á jörðinn Skarð á Vatnsnesi er snyrtilegur viti og neðan við bæinn er heit uppspretta.

Arnarvatnsheiði og Tvídægra eru grösugar heiðar með fjölda áhugaverðra veiðvatna og góðra gönguleiða.

Ánastaðastapi stendur í fjöruborðinu norðan við bæina Ánastaði á Vestanverðu Vatnsnesi.

Borgarvirki er forn gostappi og sagnir um að þar hafi verið virki á söguöld. Mikilfenglegt er að ganga upp í virkið og magna útsýni af virkisveggjunum yfir sveitirnar í kring.

Bjarg er fæðingarstaður Grettis sterka og þar er minnisvarði um Ásdísi móður Grettis og minjar frá tímum Grettis á Bjargi.

Mjög góður selaskoðunarstaður hefur verið byggður á Illugastöðum á vestanverðu Vatnsnesi. Þar er einnig gott tjaldsvæði með þjónustu fyrir húsbíla og þjónustuhúsi með salerni og sturtu.