Saga

Byggðasafn Húnvetninga og strandamanna stendur við Reykjaskóla í Hrútafirði og er áhugavert safn er varðveitir fjölda merkra muna úr héruðunum við Húnaflóann. Verið velkomin í heimsókn.

Handverkshúsið Bardúsa er rekið í gömlu pakkhúsi við höfnina á Hvammstanga og þar er einnig að finna verslunarminjar frá krambúð Sigurðar Davíðssonar.

Ánastaðir á Vatnsesi eru einkum þekkti fyrir hvalrekann þar árið 1882.

Hvítserkur er einstakur klettur þar sem hann stendur í fjöruborðinu á austanverðu Vatnsnesi.

Breiðabólstaður í Vesturhópi er forn sögustaður og höfðingjasetur fyrr á öldum.

Kirkja er á Stað í Hrútafirði og þar er minnisvarði um landspóstana.

Á Reykjaskóla reka Halldóra og Karl skólabúðir og ferðaþjónustu yfir sumarið.

Kolufossar eru einstakir og aðgengilegir fossar í Víðidal. Farið er niður hjá Víðidalstungu og áfram suður að fossunum.

Á jörðinn Skarð á Vatnsnesi er snyrtilegur viti og neðan við bæinn er heit uppspretta.

Á Ingimundarhól eru leifar af skála Ingimundar gamla. Þær eru friðaðar og búið að setja upp skilti við veginn og gönguleið að rústunum.

Kirkjuhvammskirkja er friðuð og í vörslu Þjóðminjasafns Íslands. Kirkjan stendur í hvamminum ofan við Hvammstanga þar sem tjaldsvæði staðarins er.

Borgarvirki er forn gostappi og sagnir um að þar hafi verið virki á söguöld. Mikilfenglegt er að ganga upp í virkið og magna útsýni af virkisveggjunum yfir sveitirnar í kring.

Bjarg er fæðingarstaður Grettis sterka og þar er minnisvarði um Ásdísi móður Grettis og minjar frá tímum Grettis á Bjargi.

Kirkjan að Efra-Núpi er í Núpsdal, sem er inn af Miðfirði. Þar er leiði skáldkonunnar Vatnsenda-Rósu.

"Damerne í Riishus" eru með sumarrekstur í Riishúsi á Borðeyri, einu elsta verslunarhúsnæði landsins. Kaffisala, nytjamarkaður og handverkssala.

Mjög góður selaskoðunarstaður hefur verið byggður á Illugastöðum á vestanverðu Vatnsnesi. Þar er einnig gott tjaldsvæði með þjónustu fyrir húsbíla og þjónustuhúsi með salerni og sturtu.